Hain log wo hi jahan mein achee ssay ہیں لوگ وہ ہی جہاں مہں اچھے ہیں لوگ وہ ہی جہاں مہں اچھے

   عنوانات

مضمون

    ہیں لوگ وہی جہاں میں اچھے
آتے ہیں جو کام دوسروں کے

اسلام کا بنیادی مقصد معاشرے کے محتاج   و  بے سہار افراد کی دیکھ بھال اور ان کی بھلاٰٰٰٰی ہے اور یہ مقصد اسی صورت میں مکمل

ہو سکتا ہے جب اس طرح کے لوگوں کی مدد کر کے معاشرے میں دولت اور ضرورت کے درمیان توازن پیدا کرنے کی کوشش کی جائے۔ ❣

 قرآن مجید میں ارشاد باری تعالیٰ کا مفہوم ہے  "  نیکی صرف یہ نہیں کہ آپ لوگ اپنا منہ مشرق و مغرب کی طرف پھیر لیں،💢 بلکہ اصل نیکی تو یہ اس شخص کی ہے جو اللہ پر اور قیامت کے دن پر فرشتوں پر اور آسمانی کتابوں پر ایمان لائے اوراپنے مال سے محبت کرنے کے باوجود اسے عژیژ   داروں ،یتیموں  سوال کرنے والوں اور  مسافروں اور غلاموں کی آزادی پر خرچ کرے۔ یہی وہ لوگ ہیں جو نماز قائم کرتے ہیں۔ زکوۃ دیتے ہیں اور جب کوئی وعدہ کریں تو اسے پورا کرتے ہیں۔ سختی ،مصیبت اور جہاد کے وقت صبر کرتے ہیں۔ یہی لوگ سچے ہیں اور یہی پرہیزگار ہیں   ( سورۃ البقرہ )💛

 

علامہ اقبال نے اپنی شاعری کے ذریعے لوگوں میں شعور اور بیداری پیدا کرنے کی کوشش کی ہے۔اقبال نے اپنی نظم ہمدردی میں اچھے لوگوں کے بارے میں وضاحت کی ہے کہ اس دنیا میں بہت سے لوگ ہیں لیکن صرف وہی لوگ اچھے ہیں جو دوسروں کے کام آتے ہیں۔دوسروں کی مدد اور ان کی ضروریات کو پورا کرنا اللہ تعالی کو بہت پسنڈ ہے۔ اپنے لیے تو سبھی جیتے ہیں لیکن زندگی کا اصل مقصد دوسروں کیلئے جینا ہے۔

علامہ اقبال کا شعر ہے

خدا کے عاشق تو ہیں ہزاروں💓

بنوں میں پھرتے ہیں مارے مارے

میں اس کا بندہ بنوں گا، جس کو خدا کے 

بندوں سے پیار ہوگا

اسلام نے ہمیں زندگی بہتر گزارنے کا طریقہ سکھایا ہے۔انسان پر دو قسم کے حقوق ہیں، حقوق اللہ اور حقوق العباد۔حقوق اللہ میں کوئی کمی بیشی ہوتا ہے سستی ہو جائے تو اللہ تعالی بڑا غفور الرحیم ہے معاف کرسکتا ہے ،جبکہ حقوق العباد کا جرم کرنے والوں کو اللہ معاف نہیں کرے گا۔

💕درد دل کے واسطے پیدا کیا انسان کو

ورنہ اطاعت کے لیے کچھ کم نہ تھے کروبیاں💕

نیکی ہمارے مذہب میں سب سے بڑی عبادت تصور کی جاتی ہے۔اللہ تعالی نے جتنی مخلوق پیدا کی ہے اس کے ساتھ حسن سلوک اور رواداری کے ساتھ پیش آنا ، اس سے محبت کرنا اس کو   تکلیف نہ دینا، اس کا خیال رکھنا بھی نیکی ہے ۔

اسلامی اخوت اور بھائی چارے کا درس دیتا ہے۔ انسانوں میں سب سے بہترین شخص بھی وہی ہے جو دوسروں کے لئے اچھا ہو اور دوسروں کو فائدہ پہنچائے۔ 💢اس دنیا میں عزت و کامیابی ان لوگوں کو نصیب ہوتی ہے جو اللہ کی مخلوق کی خدمت اور اس کو فائدہ پہنچاتے ہیں۔

💟جس کی ادا    پہ   ہو انسانیت کوناز

مل جائے کاش ایسا بشر ڈھونڈتے ہیں ہم💟

عاجز ماتوی

اللہ تعالی نے انسان کو انسانیت کی خدمت  اور بھلای کے لیے دنیا میں بھیجا ہے ۔اگر انسان کی تخلیق ک ممطلب اور ا مقصد صرف عبادت ہوتا تو اس کے لئے فرشتے ہی بہت تھے۔تمام انبیاء کرام کی تعلیمات کا خلاصہ 

بھی بنی نوع انسان کی خدمت ہے۔

حضرت ابوہریرہ رضی اللہ تعالی عنہ سے روایت ہے کہ حضور نبی پاک صلی اللہ علیہ وسلم نے فرمایا 'جو شخص دنیا میں کسی تنگ دست کے لئے آسانی پیدا کرے گا، اللہ تعالیٰ دنیا و آخرت میں اس لئے آسانی پیدا فرمائے گا اور جو شخص دنیا میں کسی مسلمان کی پردہ پوشی کرے گا اللہ تعالی دنیا اور آخرت میں اس کی پردہ پوشی فرمائےگا💥۔ اللہ تعالی اس وقت بندے کی مدد کرتا رہتا ہے جب تک بندہ اپنے بھائی کی مدد میں لگا رہتا ہے 

  ( مسلم ، ابو داؤد ، ترمذی ) 

💢یہی ہے عبادت یہی دین و ایماں

کہ کام آئے دنیا میں انسان کے انسان